Panuhun Siswa.....
Assalamu’alaikum
… Wr. Wb.
Sampurasun, bapa,
ibu guru hormateun abdi sadaya oge ibu pupuhu sakola.
Abdi saparakanca ngaraos
abot ku hate ngaraos
sedih na kalbu pikeun ngedalkeun pihatur nuhun.
Pangasih, pangaping,
pengajaran ,sadayana parantos katampi ku abdi sadaya.
Abdi reueus, abdi
hormat, Abdi pinter oge abdi Lulus estuning pangjajap elmu ti bapa,, Ibu guru sadaya.
Dina waktos genep
taun abdi sadaya kumpul ngariung sinareng ibu bapa guru, sareng sadaya adi-adi
kelas, raraosan nembe kamari abdi di ieu sakola, bakat betah bakat genah tur
merenah dina sagala rupi paripolah.
Bapa ibu guru
hormateun abdi sadaya, waktos ieu pisan abdi bade wakca bade balaka ngedalkeun
lebetning
manah anu estuning leber ku kaisin kaabot pikeun ngedalkeunna.
Bapa ibu guru
hormateun abdi sadaya, neda sihapunteun anu kasuhun nyuhun pngampura anu diteda tina sagala
kaawonan, kalepatan kakirangan abdi sadaya.
Panginteun parantos
wancina abdi sadaya kedah lunta, neraskeun pilampahan., Neraskeun perjuangan pikeun pibekeleun nyiar kabagjaan dina
raraga milari elmu anu langkung nanjeur kalayan rido gusti anu maha suci.
Dina salami genep
taun eta tinagtos abdi sadaya midamel hate ibu jengkel, miwah bapa rujit, sakali
deui neda sihapunten anu kasuhun.
Bapa, ibu guru
hormateun abdi sadaya, pamugi kersa ngalubarkeun sagala rupining kalepatan, kaawonan,
kahilapan abdi sadaya.
Bapa guru, anjeun
estuning bijaksana. Ibu guru, anjeun estuning mulia. Ibu pupuhu
sakola anjeun anu mikawelas mikaasih.
Pamugi gusti anu
maha kawasan, tangtosna ngabales kana kasaean bapa ibu guru sadaya. Amin.
Dina
dangeut ieu pisan, abdi sadaya murid kelas genap neda widi seja pamitan.
Pileuleuyan
bapa, pileuleuyan ibu, sapunyere pegat simpay, paturay patepang deui.
Wassalamu’alaikum
… Wr. Wb.
0 komentar :
Post a Comment